د ښونځي پاکي برنامه په فراه که ترسره شوه!
راپور: رحمت الله خاموش – تعلیمی مسئول
د فراه د نجم ولایتي اداري د تعلیمي څانګي نوي مسئول محترم رحمت الله خاموش د کلني پلان سره سم نن یکشنبي ۲/۷/۱۳۹۶ د فراه ولایت په یوه ترټولو سترو مکاتبو (د شهید محمد نادر ایوبی لیسې) کې د تنظیف برنامه اجراء کړل.
د تنظیف لپاره د یوي بشپړي اونۍ راهیسي پراخ کمپاین روان دی او نږدي ۱۲ نورو ښځينه او نارینه، منځنیو او عالي لیسو ته د پاکۍ او نظافت اړوند ډیزاین شوی او چاپ شوی پوسټر رسول شوی دی او د لیسي په صحن او اداره کې په مناسب ځایونو کې لګول شوي دي.
په دي پروګرام کې د نجم ورزشي څانګي د فوټبال ټيم هم ګډون کړی وو، ځکه چې د مکتب د تنظیف په څنګ کې د یادي لیسي د فوټبال ټيم سره هم دوستانه لوبه نیول شوي وه.
دا برنامه نن سهار پر ۶:۳۰ دقیقو لمړی د تنظیف او پاکۍ له اړخه پیل شوه او بیا د یوه ساعت لپاره د فوټبال لوبه هم ترسره سوه. چې لوبه دوه دوه مساوي پاي ته ورسیده او په دي توګه موږ وسو کولاي دري موخي ترلاسه کړو.
لمړی: د شهید نادر ایوبی لیسي د انګړ او چمن پاکوالی
دویم: د ورزشي ټيم سره شناخت او معرفت حاصليدل.
دریم: په عمل کې د نجم د اسلامي ټولني بشپړه معرفي.
هيره دي نه وي چې د تنظیف او پاکۍ اړوند څه باندي لس داني پوسټرونه هم چاپ شوي وو چې د لیسي په بيلابيلو ځایونو کې د لیسي د مدير په مرسته ولګول شول.
او د لیسي مدير د نجم دا عملي او ابتکاري ګام خورا زیات وستايه، عملا یې زموږ په برنامه کې فعاله ونډه واخیسته او د تلپاته مرستي ټټر يې وواهه.
دا برنامه د سهار په ۸ بجو د ميني په ډکه فضاء کې پاي ته ورسیده.
فراه
۱۳۹۶/۷/۲
حدیث شریف دی چې: پاکوالی د ایمان یوه برخه ده